ما لقيت فالدينا
مالقيت صدر *** جوفوا وسعاني
و لا عين بنظـار*** شفارها ترعاني
ما لقيت فالبحور *** مومو لعياني
و لا فالدشور *** خلوة منها سكناني
ما لقيت فالغيوم *** غيث سقياني
و لا فالخـلى *** قــور رحباني
ما لقيت فالرياح *** من يبلغ رسلاني
و لا فالنجوم من *** تضوي وجداني
ما لقيت فالطيور *** زقزاق غيواني
لا مالوحوش ند *** يرو عقاب عدياني
ما لقيت بيـر *** للسرار كتماني
ولا سور فالكهوف *** ينكتب نضماني
ما لقيت فالحروب *** عساكر سلماني
و لا فالخنادق *** جنود لي ونساني
ما لقيت طبيب *** يداوي جرحاني
و لا فقيه يفك *** لي هاذ المعاني
ما لقيت الا لب كلام لساني
التعليقات على الموضوع